12 мамырда Орталық кітапханада М.Ж. Көпеевтің 165 жылдығына арналған «Мәшһүр Жүсіп Көпеев-алтын жердің өзегі» әдеби қонақжайы өтті. Іс-шара барысында кітапханашылар қонақтарды қазақтың ұлы ақыны, публицист, ойшыл, тарихшы, этнографтың шығармашылығымен таныстырды. Абай және Ы. Алтынсарин ат. мектеп оқушылары: А. Дүйсенбі, Т. Хурманғаз, А. Құдайбергенова, А. Хойшыбай, М. Асхатұлы, А. Қанатқызы  М. Ж.Көпеевтің өлеңдерін оқыды. Ы. Алтынсарин ат. мектептің 7 «В» сыныбының оқушысы Сәрсенбай Нурсат Мәшһүр Жүсіп Көпеев туралы «Ұлы тұлғаға арнау» атты өз шығарған өлеңін оқыды. Ақсу қара металлургия колледжінің педагогы Халимхан Уәлихан Мәшһүр Жүсіп пен оның кесенелері туралы қызықты деректермен бөлісті. Саметова Камиланың орындауындағы күй шырқалды. «Аңыз тұлға»  кітап көрмесінің әдебиеттеріне  шолу жасалды.

14 сәуірде Орталық кітапханада қала және Ақсу өңірі мектептерінің 9-11 сынып оқушылары арасында «Олар қаламыздың даңқын асқақтатты» жобасы аясында «Мен мақтан тұтатын жерлесім!» атты эссе сайысы өтті. Сайыстың мақсаты жас ұрпақтың назарын қаламыздың және өңіріміздің танымал адамдарына аудару, жерлестеріміздің Қазақстанның мәдени мұрасындағы өмірі мен қызметінің маңыздылығын көрсету, конкурстық жұмысты құру процесінде оқушылардың шығармашылық қабілеттерін дамыту, дарынды балаларды анықтау, оларды қолдау және көтермелеу.

Бүгін балалар әдебиеті бөлімінде 5 "А" сынып мектеп лицейінің оқушылары үшін адамның ғарышты бағындыруының 62 жылдығына арналған"Ғарыштың жұмбақ әлемі" медиакалейдоскопы өтті.

Балалар медиа-викторинаға және түрлі конкурстарға қатысты.

ах.

Халық үшін аянбай күрескен батыр, композитор, балуан, батыр, әнші әрі суырып салма ақын. Дана ақын, дара ақын болмысы ешкімге ұқсамайтын ғажап ақын Иманжүсіп Құтпанұлының  160 жылдығына орай «Даланың ұлы баласы» атты өлкетану сағаты өтті.

4 сәуірде Орталық кітапхананың балалар әдебиеті бөлімінде Данияның ұлы ертегішісі Г.Х. Андерсеннің туған күнінде өтетін Халықаралық балалар кітабы күніне орай Ақсу қ. №4 ОМ 5 «В» сынып оқушыларына арналған «Андерсен әлеміне» әдеби квест өтті.

Наурыз мейрамы-көктемгі жаңару мерекесі. 21 наурыздан бастап, Қазақстанда және басқа да көптеген елдерде көктемгі күн мен түннің теңелуі күні атап өтіледі. Қазақтар үшін бұл мереке көктемгі жаңарудың, махаббат, шұрайлылық пен достық салтанатының символы болып табылады.

6 наурыз күні  8 наурыз Халықаралық әйелдер күнін мерекелеу қарсаңында Орталық кітапханада Ақсу қаласының Құрметті азаматы, Қазақстан журналистер одағының мүшесі, «Aqjol» газетінің тілшісі Шәмшат Жағыпарқызы Жүнісқалимен «Ана-жарды сыйлаңыздар» атты шығармашылық кездесу өтті. Жүргізушілер Шәмшат Жағыпарқызының өмірі мен шығармашылық қызметі туралы айтып берді.

27 ақпанда Орталық кітапхананың балалар әдебиеті бөлімі «Әжемнің ертегісі» жобасы аясында Ақсу қ. Абай ат. ОМ 0 сынып оқушылары үшін «Ертегі әлемі» әдеби сағатын өткізді.

          2023 жылдың 24 ақпан күні Орталық кітапхана аумағында «Собирайся, народ, Масленица идет!» музыкалық жиын өтті.

         Масленица  – қысты шығарып салу мен көктемді қарсы алатын ежелгі славян халқының ұлттық мерекесі. Мейрам кезінде міндетті түрде құймақ пісіріледі. Құймақ – шеңбер тәрізді, яғни күн пішінін бейнелейді. Сондықтан да, күннің, көктем мен жылылықтың символы, мерекенің бұлжымас белгісі.

Заманауи кітапхананың не екенін және оның не ұсынатынын білудің ең жақсы жолы – 21 ақпан күні Ақсу өңірінің кітапханаларында «Кітапханада кездесеміз!» деген атпен өткен Ашық есік күніне келу.