2026 жылғы 21 қаңтар күні орталық кітапханада көрнекті ғалым, абайтанушы, алаштанушы Қайым Мұхамедхановтың туғанына 110 жыл толуына орай «Алаштың соңғы тұяғы – Қайым» атты тұлғатану сағаты өтті.

5 қаңтар күні Ақсу қаласының Орталық кітапханасында дәстүрлі түрде өтетін «Бірінші оқырман күні» акция ұйымдастырылды.

Ақсу қаласының Орталық кітапханасы 24 желтоқсан күні Қызылжар ауылдық округіне қарасты Бөріктал, Суаткөл және Жаңа-Шаруа ауылдарына арнайы «Көшпелі кітапхана» шарасымен сапар жасап қайтты. Аталған шараның мақсаты - шалғай елді мекен тұрғындарын кітап әлемімен жақын таныстырып, оқуға деген қызығушылығын арттыру.

Тифлология әдебиетін насихаттау аясында Брайль әліпбиін үйренуге арналған «Көрінбейтінді көру» атты шеберлік сабағы өтті. «Альтернатива» АМҚБ төрағасы А. Ю. Цитович қатысушыларға Брайль шрифінің әріптері, сандары мен ноталары туралы толығырақ мағлұмат берді.

14 қараша күні Ақсу қаласының Орталық кітапханасында Қазақстан Республикасы Ұлттық валюта күніне арналған «Ұлттық теңге — Тәуелсіздігіміздің нышаны» атты тарихи-танымдық сабақ өтті. Іс-шараға Ақсу қаласының №4 орта мектебінің 9-сынып оқушылары қатысты.

29 қазанда Орталық кітапханада ерекше қажеттіліктері бар балалардың таланттарын ашуға және оларды әлеуметтендіруге арналған жылы да, әсерлі іс-шара — «Жүрегіңді жақсылыққа үйрет» атты мейірімділік сабағы өтті.

23 қазан күні Ақсу қаласының Орталық кітапханасында 24 қазанда аталып өтетін Кітапханашылар күніне арналған «Мамандығым – мақтанышым» атты мерекелік кеш өтті.

22 қазан күні Ақсу қаласының Орталық кітапханасында Қазақстан Республикасының күніне арналған «Менің Отаным — Қазақстан» атты поэзия кеші өтті. Іс-шараға «Родники» поэзия клубының ақындары және Ақсу қаласының №4 ЖОББМ 9 сынып оқушылары қатысты

21 қазан күні Ақсу қаласының Орталық кітапханасында жазушы, сатирик, «Құрмет» орденінің иегері Ғалымбек Жұматовтың «Ленинград: от пен мұз» атты кітабының таныстырылымы өтті.

«Ақсу орталық кітапханасында ерекше форматтағы әдеби-мәдени шара — «Кітапхана түні-2025» акциясы өтті. Бұл кештің басты мақсаты – кітап оқуды насихаттау, оқырман мен кітапхана арасындағы байланысты нығайту, сондай-ақ жастарды кітап әлеміне тарту.