1 наурыз Алғыс айту күні Орталық кітапханада «Алғыс айту - асыл қасиет» атты ізгі лебіз сағаты өтті. Іс-шараның мақсаты – өскелең ұрпақтың бойында толеранттылық, бір-біріне деген достық пен құрмет сезімін тәрбиелеу, сондай-ақ Қазақстандағы этносаралық келісім мен ұлтаралық байланысты нығайту.

 Жыл сайынғы дәстүр бойынша көктемгі мектеп демалысы күндері еліміздің барлық кітапханаларында тамаша мереке — Балалар мен жасөспірімдер кітабы апталығы өтеді.

19 наурызды Қазақстандықтар Жаңару күні деп атап өтті. 2019 жылы дәл осы күн мемлекет пен қоғамда түбегейлі өзгерістер басталған еліміздің жаңа тарихындағы бетбұрыс болды. Бұл күні Орталық кітапхана алаңында Қара металлургия колледжінің студенттері мен барлық қатысушылары үшін «Наурыз тойы мерекем - салт-дәстүрім береке» фольклорлық мерекелік бағдарламасы ұйымдастырылды.

 5 наурызда 8 наурыз Халықаралық әйелдер күні қарсаңында Орталық кітапханада Ақсу қаласының лицей-мектебінің 9-сынып оқушылары үшін «Отбасындағы мамандықтар» шығармашылық кездесуі өтті.

 25 ақпан Ашық есік күні және Қазақстандағы жұмысшы мамандықтар жылы аясында Ақсу қ. №4 ОМ жоғары сынып оқушылары мен қара металлургия колледжінің студенттері үшін Ақсу қ. ОК Ақсу қаласының ірі кәсіпорындарының (АЗФ және ЕЭК) жұмысшыларымен «Әр мамандық құрметке лайық» атты кездесу өткізілді.

4 ақпанда Ұлы Отан соғысындағы Жеңістің 80 жылдығы және Кеңес Одағының Батыры Махмет Қайырбаевтың туғанына 100 жыл толуы аясында Ақсу қаласының Орталық кітапханасында автор, Кеңес Одағының Батыры Махмет Қайырбаевтың ұлы Мұрат Қайырбаевтың «Махмет Каирбаев» атты кітабының тұсаукесері өтті.

28 қаңтарда көрнекті қазақ жазушысы Ілияс Есенберлиннің 110 жылдығына орай Орталық кітапханада мүмкіндігі шектеулі жандар үшін «Есенберлин ізі» атты еске алу кеші өтті. Жүргізушілер қатысушыларға жазушының өмірі мен шығармашылығына қатысты беймәлім деректермен таныстырды. Оның «Көшпенділер» тарихи трилогиясын еске түсіріп, шығарма желісімен түсірілген фильмнен үзінді тамашалады, сөзжұмбақ шешіп, жазушының өмірі мен шығармашылығы туралы викториналық сұрақтарға жауап берді.

5 қаңтарда Ақсу қаласының Орталық кітапханасында жыл сайынғы «Бірінші оқырман күні» акциясы өтті. Акцияның басты мақсаты - 2025 жылдың алғашқы оқырмандарын құттықтау, кітапханамен таныстыру және оқуға тарту. Бұл күні акцияға қатысушыларды тосын сыйлар мен кітапхана қызметкерлерінің құттықтаулары күтіп тұрды.

13 желтоқсан күні ҚР Тәуелсіздік күні қарсаңында Ақсу қ. Орталық кітапханасында Ақсу гарнизонының азаматтық қорғау қызметкерлеріне арналған «Тарих білгірлері» зияткерлік ойыны өтті. Шара басында кітапханашылар қонақтарды Тәуелсіз Республиканың қалыптасу және даму тарихымен таныстырды, «Қазақстан Республикасының Тәуелсіздігі туралы» бейнеролик көрсетілді, онда біздің мемлекетіміздің қалыптасуының негізгі кезеңдері – тәуелсіздік алғаннан бастап бүгінгі күнге дейін бейнеленген.

4 желтоқсанда Ақсу қ. ОК оқу залында «Тәуелсіздікке жол: өткеннің сабақтары және болашақтың сын-қатерлері» атты дөңгелек үстел өткізілді. Дөңгелек үстелге қаланың шығармашылық зиялылары, Алтынсарин ат. ЖОББМ және Қ. Сәтбаев ат. гимназияның 7 сынып оқушылары қатысты. Дөңгелек үстелдің негізгі мақсаты Қазақстан тарихында маңызды орын алатын ҚР Тәуелсіздік күні мерекесімен таныстыру, сондай-ақ Қазақстан дамуының негізгі кезеңдерін, біртұтас және егемен республиканың қалыптасу жолдарын талқылау болды. Шақырылған қонақтарға - Желтоқсан оқиғасының қатысушысы Ырысгүл Шакаманның сөз сөйлеуі үлкен қызығушылық тудырды. Ол сол кездегі қайғылы оқиғалар туралы естеліктерімен бөлісті. Іс-шара өте мазмұнды өтті. Қатысушылар арасында еліміздің өткені мен болашағы туралы мазмұнды және танымдық пікірталастар өтті.