29 сәуірде Ақсу қаласының Орталық кітапханасында Қазақстан халқының бірлігі күніне орай «Ел бірлігі – басты байлығымыз» атты достық сағаты өтті. Іс-шараның құрметті қонақтары қатарында Ақсу қаласы әкімінің орынбасары Р. Негманова, қаланың құрметті азаматтары және мектеп оқушылары болды.

Іс-шара барысында Ақсу қаласының этномәдени бірлестіктердің өкілдері мен балалар шығармашылық ұжымдарының қатысуымен әндер шырқалып, күй шертіліп, би ұсынылды.

Сондай-ақ, қонақтардың назарын қазақ, неміс, украин, өзбек және орыс өкілдерінің кітап көрмелері аударды. Экспозицияда әртүрлі халықтардың тарихы мен мәдениеті туралы кітаптар, сондай-ақ белгілі жазушылардың көркем шығармалары қамтылды.