11 қыркүйек күні Ақсу қаласының Орталық кітапханасында «KitapTime – 2026» республикалық кітап фестивалі аясында және Отбасы күні қарсаңында отбасылық командалар мен әртүрлі буын оқырмандарын біріктірген «Кітап Drive» әдеби-танымдық іс-шарасы өтті.

Қазақстан халқы тілдері күні қарсаңында Ақсу қаласының орталықтандырылған кітапханалар жүйесіне қарасты кітапханаларда ана және мемлекеттік тілдерді насихаттауға, тілге деген құрметті арттыруға бағытталған мәдени-ағартушылық іс-шаралар өткізілді.

22 тамыз күні Орталық кітапханада библио-фреш форматындағы «Кітап премьерасы» өтті.

7 тамыз Абай күніне орай қалалық жағажайда өткен іс-шарада орталық кітапхана «Абай мұрасы – мәңгілік қазына» атты интерактивті әдеби арт- экспозициясын ұйымдастырды. Онда келушілер назарына ақынның өмірі мен шығармашылығына арналған «Абай-дана, Абай-дара тұлға» атты кітап көрмесі, «Абайдың сөзі – жүрекке хат» библио-вернисажы, «Абай мұрасы- мәңгілік қазына» атты интерактивті инфограффити стендімен, «Кітапхана Абай әлеміне шақырады » атты QR – маршуты, ұсынылды.

5 шілде күні кітапханада Ұлттық домбыра күніне орай «Бабадан қалған байтақ үн: домбыра – даланың жан дауысы» атты әдеби-сазды кеш өтті.

5 маусым күні қалалық жағалауда «Ақсу толқыны» жазғы жобасы аясында Орталық кітапхана Ақсу қаласының 65 жылдығына арналған «Ақсуым – мақтанышым» атты поэтикалық алаң өткізді.

Мемлекеттік рәміздер – еліміздің тәуелсіздігі мен егемендігінің айқын белгісі, халқымыздың ұлттық мақтанышы мен бірлігінің нышаны. Әрбір азамат өз елінің Туын, Елтаңбасын және Әнұранын құрметтеп, олардың маңызын терең түсінуі қажет.

Халықаралық балаларды қорғау күніне орай Ақсу қалалық жағажайында ұйымдастырылған ауқымды мерекелік іс-шара барысында Ақсу қаласының Орталық кітапханасы «#БалалықШақОфлайн#Жаз#Кітапхана» атты жазғы библиобум өткізді.

Шара барысында кішкентай оқырмандарға ашық аспан астында «Оқу залы» ұйымдастырылды, онда балалар өзіне ұнаған кітап, журналдарды алып оқуына мүмкіндік туды, сонымен бірге бос уақыттарын қызықты өткізу үшін әртүрлі үстел ойындары ұсынылды. Орта буын оқушыларына викториналық сұрақтар мен қызықты ойындар өткізілді.

20 мамыр күні Ақсу қаласындағы Жаяу Мұса атындағы колледжде Ақсу қ. Орталық кітапхана қызметкерлері студенттерге арналған Ахмет Жұбановтың 120 жылдығына орай «Қазақ музыкасының ұлы тұлғасы» атты әдеби-сазды кеш өткізді.

Іс-шара барысында қатысушыларға қазақ музыка өнерінің көрнекті қайраткері Ахмет Жұбановтың өмірі мен шығармашылығы туралы мазмұнды ақпарат ұсынылды. Сонымен қатар композитор мұрасына арналған кітап көрмесі ұйымдастырылды.

6 мамыр күні Ақсу қаласының Орталық кітапханасында 9 мамыр — Жеңіс күніне арналған «Төрлет, ерлік пен даңқ мерекесі» атты ерлік сағаты өтті.