23 сәуірде «Aksu Mаll» сауда орталығында Ұлттық кітап күні және Кітапханашылар күніне орай Ақсу қаласының тұрғындары мен қонақтарына және жалпы кітап сүйер қауымына арналған «Кітап Шоу – 2026» кітап фестивалі өтті. Бағдарлама аясында: кітап көрмелері мен буккроссинг, театрландырылған қойылымдар, шеберлік сағаттары, поэзия алаңы, шығармашылық ұжымдардың өнерлері мен танымдық викторина ұйымдастырылды.

17 сәуір күні Ақсу қаласының Орталық кітапханасында «Чернобыль. Уақытта қатып қалған естелік» атты еске алу кеші өтті. Шара Чернобыль атом электр станциясындағы апаттың 40 жылдығына және Чернобыль апаты құрбандарын еске алу күніне арналды.

Ақсу қаласының кітапханасында Наурыз мейрамы салтанатты түрде аталып өтті. «Қош келдің, әз Наурыз!» атты іс-шараның мақсаты – ұлттық дәстүрлерді дәріптеп, бірлік пен татулықты нығайту болды.

        Мерекеге «Асыл мұра» қоғамдық бірлестігі, төтенше жағдайлар және әскери комиссариат қызметкерлері, сондай-ақ Қара металлургия колледжінің студенттері қатысты. Студенттер ұлттық ойындарға белсенді қатысып, ептілік пен командалық рухтарын көрсетті. Жеңімпаздар марапатталды.

Наурызнама онкүндігі аясындағы «Қайырымдылық» күні

Тәуелсіздік — мәңгілік ел тұғыры» атты Ашық есік күні өтті. Іс-шараға қалалық № 8 орта мектебінің 8-сыныбының және № 4 орта мектебінің 7-сынып оқушылары қатысты. Оқушылар үшін мазмұнды әрі танымдық бағдарлама әзірленді.

 20 ақпанда Орталық кітапханада «Гуляй, Масленица!» атты фольклорлық-ойын бағдарламасы өтті. Мерекелік шара көктемнің жаршысы, халықтың ең сүйікті дәстүрлі мейрамдарының бірі — Масленица мерекесіне арналды.

6 ақпанда Ақсу қаласының Орталық кітапханасында көрнекті қазақ ақыны Мұқағали Мақатаевтың туғанына 95 жыл толуына орай «Мәңгілік ғұмыр» атты поэзия сағаты өтті. Шараға Абай атындағы және Ыбырай Алтынсарин атындағы орта мектептердің оқушылары қатысты.

5 ақпан күні Орталық кітапханада «Ұрпақ тәрбиесі: ұлт аналарының қолында» атауымен «Алып кимешек» ұлттық жобасының қатысушысы, Global Book of Records рекордының иегері, «Қазақ аналары -дәстүрге жол» Республикалық қоғамдық бірлестігінің Павлодар облысы бойынша филиалының бас кеңесшісі, облыстық «Қазақ тілі» қоғамының алқа мүшесі, ұстаз, журналист, қоғам қайраткері, Ақсу қаласының құрметті азаматы Светлана Қабидоллақызы Қондыкеровамен кездесу өтті. Сонымен қатар «Қазақ аналары - дәстүрге жол» Республикалық Қ.Б.Павлодар облыс  қоғамының мүшесі, ардагер ұстаз, “Абзал ана” төсбелгісінің иегері Анарбаева Шарида Таукенқызы және  Ақсу қалалық тарихи-өлкетану мұражайының басшысы Ақшолақова Гульжанар Наскенқызы шараның қонағы болды.

2026 жылғы 21 қаңтар күні орталық кітапханада көрнекті ғалым, абайтанушы, алаштанушы Қайым Мұхамедхановтың туғанына 110 жыл толуына орай «Алаштың соңғы тұяғы – Қайым» атты тұлғатану сағаты өтті.

5 қаңтар күні Ақсу қаласының Орталық кітапханасында дәстүрлі түрде өтетін «Бірінші оқырман күні» акция ұйымдастырылды.