Жыл сайын шілденің бірінші жексенбісінде Қазақстанда Домбыра күні деп атап өтіледі.

22 мамырда Ақсу қаласының Орталық кітапханасы Павлодар қаласының С. Торайғыров ат. ОӘҒК-мен бірлесіп, ақын сатирик, публицист, қоғам қайраткері Сәбит Дөнентаевтың 130 жылдығын мерекелеу аясында Павлодар Ертіс өңірінің жазушылары: Торайғыров университетінің профессоры, Қазақстан Жазушылар Одағының мүшесі, Қазақстан Жазушылар одағының Павлодар облыстық филиалының директоры, жазушы, ақын - Елікбаев Серік Төлеубайұлы, жазушы, сатирик, Қазақстан Жазушылар және Журналистер Одағының мүшесі - Жұматов Ғалымбек Сағымбайұлы,  ақын-сатирик, Қазақстан Жазушылар Одағының мүшесі, С.Баязитов ат. балалар оқу орталығының басшысы - Хонж Алпысбай Әбділұлы, Ақсу қаласының Құрметті азаматы, «Ақсақалдар тағлымы» бірлестігінің мүшесі -Шаяхметов Қаршыға Қабыкенұлының  қатысуымен «Сатиралық өлең шебері» сатира кешін өткізді.

15 мамырда Ақсу қ. Орталық кітапханасында ақын Сәбит Дөнентаевтың туғанына 130 жыл толуына орай «Ұлы дара дарыны – Сәбит Дөнентаев» атты дөңгелек үстел өтті.

Іс-шараға қаланың құрметті азаматтары, №4 ОМ және Құркөл ауылының С.Дөнентаев ат. ОМ педагогтары, қара металлургия колледжінің студенттері, қала мектептерінің ОМ оқушылары шақырылды. Іс-шараны ұйымдастырушылар слайд-шоу ұсынды: фотоматериал және Сәбит Дөнентаев туралы құжаттар.

6 мамырда Жеңіс күнін мерекелеу қарсаңында Орталық кітапхана қызметкерлері кітапхана оқырмандары мен Ақсу гарнизонының азаматтық қорғау органдарының қызметкерлері үшін «Уақыт пен естелік»» ерлік сабағын өткізді.

Шараға қатысушылар қаза тапқан батырларға құрмет көрсете отырып, бір минут үнсіздікпен еске алды.

2024 жылдың 26 сәуірінде Чернобыль атом электр станциясындағы қайғылы оқиғаға 38 жыл толады. Осы қайғылы күнге орай Орталық кітапханада Ақсу қ. №4 ОМ 10 сынып оқушылары үшін  «Чернобыль трагедиясы» еске алу сағаты өтті, іс-шараға Чернобыль атом электр станциясындағы апаттың салдарын жоюға қатысушылар қонақ болды: М. К. Қабдынасыров, Р.Ж.Сахимова, К.Ж. Ракулова, Л.В. Чувгунова, Н.Г. Поликарпова.

11 сәуірде орталық кітапханада археолог-ғалым, тарихшы, этнограф, әдебиеттанушы, өнертанушы, филология ғылымдарының докторы, академик, профессор, Қазақстанның еңбек сіңірген ғылым қайраткері Әлкей Хақанұлы Марғұланның 120 жылдығына арналған «Ұлт мақтанышы – Әлкей Марғұлан мұрасы» атты конференция өтті.