29 қазанда Орталық кітапханада ерекше қажеттіліктері бар балалардың таланттарын ашуға және оларды әлеуметтендіруге арналған жылы да, әсерлі іс-шара — «Жүрегіңді жақсылыққа үйрет» атты мейірімділік сабағы өтті.

        Бұл күн балалар үшін нағыз мерекеге айналды: олар шығармашылық, достық және жаңа ашылуларға толы атмосфераға бөленді.

      Балалар мейірімділік сабағы аясында «Жақсылық деген не?» тақырыбында викторинаға және ойындарға аса қызығушылықпен қатысты. Сонымен қатар, олар «Мейірімділік жүрегі» атты аппликация жасап, оған өз тілектерін жазып, «Игі істер ағашына» жапсырды.

       Шара мультфильм кейіпкерлері-аниматорлар — Карамель мен Компоттың балаларды көңілді құттықтауымен аяқталды. Балалар олармен қуана суретке түсіп, күліп, би билеп, қала демеушілерінен сыйлықтар алды.

      Іс-шара балаларға қуаныш пен шабыт сыйлап, барлық қатысушыларға мейірімділік, өзара көмек және адам жүрегінің жылуының маңыздылығын еске салды.