23 қазан күні Ақсу қаласының Орталық кітапханасында 24 қазанда аталып өтетін Кітапханашылар күніне арналған «Мамандығым – мақтанышым» атты мерекелік кеш өтті.

Іс-шараға Ақсу қаласы әкімінің орынбасары Р. Негманова, қалалық мәслихаттың төрағасы М. Омарғалиев, мәдениет және тілдерді дамыту бөлімінің басшысы М. Манапов, сондай-ақ өңір кітапханашылары қатысты.

Құрметті қонақтар кітапхана саласының қызметкерлерін кәсіби мерекелерімен құттықтап, олардың еңбегіне, кітапқа деген сүйіспеншілігі мен ағартушылық жолындағы адалдығына алғыс білдірді.

Осы күні библиограф Е. Щипунова мен әдіскер Г. Шарипова «Қазақстанның құрметті кітапханашысы» төсбелгісімен марапатталды. Сонымен қатар Ақсу қаласының бірқатар кітапханашылары көпжылдық адал еңбегі мен оқырман мәдениетін дамытуға қосқан үлесі үшін Ақсу қаласы әкімінің алғыс хаттарымен марапатталды.

Мерекелік кеш жылы да достық атмосферада өтті. Бұл шара кітапхана ісінің маңыздылығын және күн сайын оқырмандарға білім мен шабыт сыйлайтын кітапханашылар еңбегінің қадірін айқындай түсті.