Бүгін: 03.04.2025
Беделді халықаралық зерттеулердің нәтижелері біздің мектеп оқушыларының сауатты оқу дағдыларының тиісті деңгейде қалыптаспағанын көрсетеді. Сондықтан оқудың жоғары мәдениетін дарыту, оқу сауаттылығын дамыту қазақстандық мектептердегі оқу-тәрбие процесінің басым бағыттарының біріне айналуы тиіс. Қасым-Жомарт Тоқаев

4 ақпанда Ұлы Отан соғысындағы Жеңістің 80 жылдығы және Кеңес Одағының Батыры Махмет Қайырбаевтың туғанына 100 жыл толуы аясында Ақсу қаласының Орталық кітапханасында автор, Кеңес Одағының Батыры Махмет Қайырбаевтың ұлы Мұрат Қайырбаевтың «Махмет Каирбаев» атты кітабының тұсаукесері өтті.

«Махмет Каирбаев» кітабы «Ұлы адамдардың өмірі» сериясында 2024 жылы «Жас гвардия» баспасында 10 000 дана тиражбен басылған, 237 беттен тұрады, фото иллюстрациялар, жазбалар, хаттар, мұрағаттық құжаттар және замандастарының естеліктері пайдаланылған.

Онда біздің көрнекті жерлесіміз, Ұлы Отан соғысының қатысушысы, 20 жасында Кеңес Одағының Батыры атағын иеленуші, республиканың мемлекеттік және қоғам қайраткерінің тағдыры баяндалады.

Ақсу қаласы әкімі аппаратының басшысы Ж. Б. Жақсыбеков, Ақсу қаласы мәслихатының төрағасы М. Қ. Омарғалиев, ардагерлер кеңесінің төрағасы З. А. Арынов, Ақсу қаласының құрметті азаматтары, сондай-ақ біздің тұрақты оқырмандарымыз, әріптестеріміз және қонақтарымыз кездесудің құрметті қонақтары болды.

Осы іс-шара барысында автор кітап жазуға негіз болған материалдарды іздеу тарихымен бөлісті. Махмет Қайырбаев туралы «Ерлік жолы» бейнефильмі көрсетілді.

Қалалық мәдениет үйінің жас солистерінің орындауында «Туған жер», «Журавли», «Мен қазақпын» әндері мерекелік көңіл-күйді тудырып, шырайын келтірді.